Please update your Flash Player to view content.
English (United Kingdom)
Home

1

 

      ພິທີເປີດງານວາງສະແດງສິນຄ້າ ASEAN Fair 2017 ໄດ້ຈັດຂື້ນໃນວັນທີ 13 ຕຸລາ 2017 ທີ່ ສູນການຄ້າສະຫວັນ-ໄອເຕັກ, ແຂວງສະຫວັນນະເຂດ, ໃຫ້ກຽດເປີດພິທີໂດຍ ທ່ານ ສັນຕິພາບ ພົມວິຫານ, ກຳມະການສູນກາງພັກ, ເລຂາພັກແຂວງ,ເຈົ້າແຂວງແຂວງສະຫວັນນະເຂດ ເຊີ່ງມີບັນດາແຂກການນຳເຂົ້້າຮ່ວມ ທັງພາຍໃນ ແລະ ຕ່າງປະເທດ ເຊັ່ນ: ທ່ານ ບຸນມີ ມະນີວົງ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ, ທ່ານ MOHD AINI BIN ATAN ເອກອັກຄະລັດຖະທູດ ມາເລເຊຍ ປະຈຳລາວ, ທ່ານ ນາງ ຈັນທະຈອນ ວົງໄຊ ຮອງປະທານ ສະພາການຄ້າ ແລະ ອຸດສາຫະກຳ ແຫ່ງຊາດລາວ ແລະ ພ້ອມດ້ວຍຄະນະນຳຈາກພາກສ່ວນຕ່າງໆ. ງານວາງສະແດງສິນຄ້າ ASEAN Fair 2017 ຈັດຂື້ນໃນວັນທີ 13-15 ຕຸລາ 2017 ທີ່ ສະຫວັນ-ໄອເຕັກ, ແຂວງສະຫວັນນະເຂດ ທີ່ເປັນໜຶ່ງໃນແຂວງຍຸດທະສາດທາງດ້ານເສດຖະກິດ ແລະ ເປັນແຂວງທີ່ສວຍງາມຂອງ ສປປ ລາວ.

 

 

 

      ງານໃນຄັ້ງນີ້ຈະເປັນນິມິດໝາຍອັນສຳຄັນອີກບາດກ້າວໜຶ່ງໃນການສົ່ງເສີມການຮ່ວມມື ທາງດ້ານການຄ້າ ແລະ ການລົງທຶນ ຂອງບັນດາປະເທດອາຊຽນໃຫ້ນັບມື້ນັບຂະຫຍາຍຕົວ ຢ່າງບໍ່ຢຸດຢັ້ງ ແລະ ເປັນງານຄັ້ງທຳອິດ ໃນ ສປປ ລາວ ເຊິ່ງ ຮ່ວມໂດຍ ສຄອ ແຫ່ງຊາດລາວ ແລະ ໜ່ວຍພັດທະນາການເຊື່ອມໂຍງອຸດສາຫະກຳປະເທດໄທ ແລະ ຈັດໂດຍບໍລິສັດ ເທັນໂຊ ເຊິ່ງໄດ້ເນັ້ນໃນ 4 ຂະແໜງ ການໃຫ່ຍເຊັ່ນ 1. ອຸດສາຫະກຳການກໍ່ສ້າງ ແລະ ການຜະລິດ, 2.ອຸດສາຫະກຳເຄື່ອງຈັກກະສິກຳ, 3. ສິນຄ້າອຸປະໂພກ ແລະ ບໍລິໂພກ, ແລະ 4 ເທັກໂນໂລຍີ ທາງການແພດ, ສຸຂະພາບ ແລະ ຄວາມງາມ. ສິນຄ້າທີ່ວາງສະແດງແມ່ນມາຈາກ 40 ກວ່າບໍລິສັດ, ໂດຍສະ ເພາະແມ່ນສິນຄ້າຈາກລາວ, ໄທ, ຫວຽດນາມ, ມາເລເຊຍ ແລະ ອື່ນໆທີ່ມາວາງສະແດງໃນ ຈຳນວນ 80 ຫ້ອງ.
ນອກຈາກການວາງສະແດງສິນຄ້າແລ້ວ ຍັງມີການຈັດການແຂ່ງຂັນສິ່ງປະດິດຂອງນັກສຶກສາ, ກອງປະຊຸມສໍາມະນາໃນຫົວຂໍ້ຕ່າງໆ ແລະ ກອງປະຊຸມພົບປະທຸລະກິດ ເຊິ່ງຈະເປັນເວທີທີ່ສຳຄັນໃນການສ້າງໂອກາດໃຫ້ໄດ້ຮຽນຮູ້ຂໍ້ມູນຕ່າງໆ ແລະ ມີການພົບປະແລກປ່ຽນບົດຮຽນ ແລະ ຂໍ້ມູນຂ່າວສານລະຫວ່າງທຸລະກິດ ດ້ວຍກັນ ເພື່ອເປັນການສົ່ງເສີມໃຫ້ ບັນດາທຸລະກິດຂອງແຕ່ລະປະເທດຊອກຫາຊ່ອງທາງ ໃຫ້ມີການຮ່ວມມືກັນ ແລະ ເຮັດໃຫ້ໄດ້ຮັບຜົນປະໂຫຍດສູງສຸດຈາກ ປະຊາຄົມອາຊຽນ ແລະ ການເຊື່ອມໂຍງ ສາກົນ.

1
2
3
4
DSC_0162
DSC_0173
DSC_0177
DSC_0227
WhatsApp_Image_2017-10-13_at_1.52.22_PM