Please update your Flash Player to view content.
English (United Kingdom)
Home

1

 

     ເນື່ອງໃນໂອກາດການຢ້ຽມຢາມ ປະເທດອິນໂດເນເຊຍ ຢ່າງເປັນທາງການ ຂອງພະນະທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ, ໃນລະຫວ່າງວັນທີ  11-12 ຕຸລາ 2017; ສະພາການຄ້າ ແລະ ອຸດສາຫະກໍາ ແຫ່ງຊາດລາວ ຮ່ວມກັບສະພາການຄ້າ ແລະ ອຸດສາຫະກໍາ ອິນໂດເນເຊຍໄດ້ຈັດກອງປະຊຸມພົບປະທຸລະກິດລາວ-ອິນໂດເນເຊຍ (Indonesian-Lao Business Forum) ໃນວັນທີ 12 ຕຸລາ 2017 ທີ່ ໂຮງແຮມ Hyatt Jakarta, Indonesia ເຊິ່ງໄດ້ຮັບກຽດເປີດກອງປະຊຸມ ໂດຍພະນະທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ. ຜູ້ເຂົ້າຮ່ວມກອງປະຊຸມແມ່ນລວມມີການນຳຂັ້ນສູງຂອງລາວ ແລະ ອິນໂດເນເຊຍ ແລະ ຫົວໜ່ວຍທຸລະກິດທັງ 2 ປະເທດປະມານ 100 ທ່ານ ເຊິ່ງໃນນັ້ນ 26 ບໍລິສັດແມ່ນຫົວໜ່ວຍທຸລະກິດຊັ້ນນຳຂອງ ສປປ ລາວ.

 

 

 

 

 

 

       ຈຸດປະສົງຂອງກອງປະຊຸມແມ່ນເພື່ອເປັນການສົ່ງເສີມການຮ່ວມມືທາງດ້ານການຄ້າ ການລົງທຶນ ລະຫວ່າງລາວ-ອິນໂດເນເຊຍ ໂດຍສະເພາະແມ່ນການດຶງດູດນັກທຸລະກິດອິນໂດເນເຊຍມາຮ່ວມມື ແລະ ລົງທຶນໃນ ສປປ ລາວ. ໃນການພົບປະໃນຄັ້ງນີ້ ທຸລະກິດລາວມີຄວາມສົນໃຈນຳເຂົ້າຖ່ານຫີນຈາກປະເທດອິນໂດເນເຊຍຈຳນວນຫຼາຍລ້ານໂຕນຕໍ່ປີ ແລະ ຕ້ອງການຮ່ວມມືໃນຂະແໜງການຕ່າງໆ ເຊັ່ນ: ຂະແໜງການພະລັງງານ, ຂະແໜງການກໍ່ສ້າງ, ຂະແໜງກະສິກຳ ແລະ ອື່ນໆ. ພິເສດໃນລະຫວ່າງກອງປະຊຸມຍັງໄດ້ມີການເຊັນບົດບັນທຶກຄວາມເຂົ້າໃຈການຮ່ວມມື ລະຫວ່າງ ສະພາການຄ້າ ແລະ ອຸດສາຫະກໍາ ແຫ່ງຊາດລາວ ກັບ ສະພາການຄ້າ ແລະ ອຸດສາຫະກໍາ ອິນໂດເນເຊຍ ແລະ ບົດບັນທຶກຄວາມເຂົ້າໃຈວ່າດ້ວຍການສະໜອງຖ່ານຫີນລະຫວ່າງບໍລິສັດ Petroleum Trading Lao Public Co.Ltd ກັບ ບໍລິສັດ PT.MANGGALA WAHANA ENERGITAMA.

1
2
3
4
5