Please update your Flash Player to view content.
English (United Kingdom)
Home

1      ພິທີມອບຮັບລະບົບປະຕູກັ້ນທາງເຂົ້າ-ອອກຂອງສະພາການຄ້າ ແລະ ອຸດສາຫະກໍາແຫ່ງຊາດລາວ ບໍລິສັດ ເຈັນທ໋ອບ ຈຳກັດ (GENTOP Co.,Ltd) ຈາກ ສ.ເກົາຫຼີ ໃນວັນທີ 20 ພະຈິກ 2017 ທີ່ ສະພາການຄ້າ ແລະ ອຸດສາຫະກຳແຫ່ງຊາດລາວ ໃຫ້ກຽດໂດຍການມອບຂອງ ທ່ານ ຮົງ ແດ ປັກ ປະທານບໍລິສັດ ແລະ ໃຫ້ກຽດຮັບໂດຍ ທ່ານ ດາວວອນ ພະຈັນທະວົງ ຮອງປະທານ ສຄອຊ ເຊີ່ງມີພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພິຍານ. ສຳລັບມອບລະບົບປະຕູກັ້ນທາງເຂົ້າ-ອອກ ທີ່ມອບໃນຄັ້ງນີ້ມີຈຳນວນ 3 ຊຸດ ເປັນລະບົບທັນສະໄໝ ສາມາດອັບເດດຂໍ້ມູນເຂົ້າເພີ່ມຕື່ມໄດ້ ເຊີ່ງມີມູນຄ່າທັງໝົດ 12,102 ໂດລາສະຫະລັດ ຫຼື ປະມານ 100 ລ້ານກີບ. ເພື່ອປະກອບສວນເຂົ້າໃນວຽກງານຄວາມປອດໄພຂອງສຳນັກງານເຊິ່ງການຊ່ວຍເຫລື່ຶອຄັ້ງນີ້ແມ່ນເປັນຄັ້ງທຳອິດຂອງບໍລິສັດ. ທ່ານ ຮົງ ແດ ປັກ (Hong Dae Park) ປະທານບໍລິສັດ ເຈັນທ໋ອບກ່າວໃນພິທີມອບຮັບປະຕູດັ່ງກ່າວວ່າ: ບໍລິສັດພວກເຮົາໄດ້ດໍາເນີນທຸລະກິດໃນການສະໜອງອຸປະກອນທີ່ທັນສະໄໝເຂົ້າໃນວຽກງານຕ່າງໆ ແຜງໄຟຟ້າແສງຕາເວັນ ກ້ອງວົງຈອນ ລະບົບສື່ສານ ລະບົບປະຕູກັ້ນທາງເຂົ້າ-ອອກ ແລະ ອື່ນໆ. ໄດ້ຂະຫຍາຍຕະຫຼາດເຂົ້າມາປະເທດອາຊຽນຄື: ກຳປູເຈຍ ໃນປີ 2012 ຈົນກາຍເປັນທີ່ຍອມຮັບຂອງສັງຄົມ ຈາກສະພາບການດັ່ງກ່າວເພື່ອສຶບຕໍ່ຂະຫຍາຍໃນບັນດາປະເທດອາຊຽນ ທາງບໍລິສັດຈຶ່ງໄດ້ຕັດສິນໃຈເຂົ້າມາສຳຫຼວດຢູ່ລາວໂດຍໄດ້ປະສານສົບທົບກັບພາກສ່ວນທີ່ກ່ຽວຂ້ອງທັງພາກລັດ ແລະ ເອກະຊົນ.

1
2
3
4
5
6
7_0
7_1
8