Please update your Flash Player to view content.
English (United Kingdom)
Home

ກອງປະຊຸມທຸລະກິດ ລາວ-ຈີນ ໃນວັນທີ 10 ພະຈິກ 2017 ທີ່ ໂຮງແຮມຄຣາວພາຊາ  

      1ເພື່ອເປັນການກະກຽມໃຫ້ແກ່ການເດີນທາງມາຢ້ຽມຢາມ ສປປ ລາວ ຢ່າງເປັນທາງການ ຂອງທ່ານ ສີ ຈ້ຽນຜີງປະທານປະເທດຈີນ, ເສີມຂະຫຍາຍການແລກປ່ຽນດ້ານເສດຖະກິດ ແລະ ການຄ້າລະຫວ່າງລາວ-ຈີນ, ຊຸກຍູ້ການຮ່ວມມືລະຫວ່າງວິສາຫະກິດຂອງສອງປະເທດ. ໃນຕອນເຊົ້າວັນທີ 10 ພະຈິກ 2017 ທີ່ ໂຮງແຮມຄຣາວພາຊາ ກະຊວງການຄ້າຈີນ ແລະ ກະຊວງອຸດສາຫະກຳ ແລະ ການຄ້າຂອງລາວ ໄດ້ຮ່ວມກັນຈັດພິທີເຊັນສັນຍາໂຄງການຮ່ວມມືດ້ານການຄ້າລາວ-ຈີນ. ມີຜູ້ເຂົ້າຮ່ວມຕາງໜ້າຈາກພາກລັດຖະບານ, ສະມາຄົມທຸລະກິດ ແລະ ຜູ້ຕາງໜ້າພາກທຸລະກິດຂອງທັງສອງຝ່າຍເຂົ້າຮ່ວມ ທັງໝົດ 100 ກວ່າທ່ານ. ໃນກອງປະຊຸມໄດ້ໃຫ້ກຽດຂື້ນກ່າວປາໄສໂດຍ ທ່ານ Zhi LuXun ຮອງຫົວໜ້າກົມການຄ້າຕ່າງປະເທດ ກະຊວງການຄ້າຈີນ, ທ່ານ ດາວວອນ ພະຈັນທະວົງ ຮອງປະທານສະພາການຄ້າ ແລະ ອຸດສາຫະກຳແຫ່ງຊາດລາວ, ທ່ານ ສິລິສຳພັນ ວໍຣະຈິດ ຫົວໜ້າກົມແຜນການ ແລະ ການຮ່ວມມື ກະຊວງອຸດສາຫະກຳ ແລະ ການຄ້າລາວ ແລະ ທ່ານ Wang Qihui ທີ່ປືກສາດ້ານເສດຖະກິດ ແລະ ການຄ້າຈີນ ປະຈຳ ສປປ ລາວ.

 

 

     ເຂົ້າຮ່ວມກິດຈະກຳການຄ້າໃນຄັ້ງນີ້ມີບັນດາບໍລິສັດຈີນທີ່ກ່ຽວຂ້ອງ ເຊັ່ນ: ຂະແໜງກະສິກຳ, ຂະແໜງອຸດສາຫະກຳເບົາ, ຂະແໜງແຜ່ນແພ, ຂະແໜງຢາປົວພະຍາດ, ຂະແໜງອຸດສາຫະກຳເຄມີ, ຂະແໜງບໍ່ແຮ່ ແລະ ຂະແໜງ ອື່ນໆ, ມີຕາງໜ້າວິສາຫະກິດຈາກສູນກາງກວມເອົາ 17 ບໍລິສັດຂະຫນາດໃຫ່ຍ ຫລາຍກວ່າ 30 ທ່ານ. ກ່ອນການຢ້ຽມຢາມ, ຄະນະຊຸກຍູ້ການຄ້າຂອງຝ່າຍຈີນໄດ້ຮ່ວມປືກສາຫາລືກັບຂະແໜງການສົ່ງເສີມການຄ້າ ແລະ ພາກທຸລະກິດຂອງຝ່າຍລາວຫລາຍຄັ້ງ ແລະ ໄດ້ຕົກລົງເປັນເອກະພາບຕໍ່ກັບເອກະສານທີ່ຈະຮ່ວມລົງນາມ. 

     ຝ່າຍຈີນໃຫ້ທັດສະນະວ່າ, ໃນຊຸມປີຜ່ານມານີ້, ການພົວພັນເສດຖະກິດ ແລະ ການຄ້າ ລະຫວ່າງລາວກັບຈີນໄດ້ຮັກສາບາດກ້າວຂອງການຂະຫຍາຍຕົວສູງ, ການຮ່ວມມືທາງດ້ານເສດຖະກິດ ແລະ ການຄ້າ ລະຫວ່າງລາວກັບຈີນ ປະສົບຜົນສໍາເລັດເປັນທີ່ຫນ້າປະທັບໃຈ. ໃນ06ເດືອນຕົ້ນປີນີ້, ມູນຄ່າການຄ້າສອງຝ່າຍເພີ່ມຂຶ້ນ 23,5% ທຽບກັບໄລຍະດຽວກັນຂອງປີຜ່ານມາ, ຈັດຢູ່ໃນອັນດັບຫນຶ່ງຂອງອັດຕາສ່ວນເພີ່ມຂື້ນລະຫວ່າງຈີນ ແລະ ບັນດາປະເທດສາມາຊິກອາຊຽນ, ຈີນໄດ້ກາຍເປັນອັນດັບ 02 ຂອງປະເທດຄູ່ຄ້າຫລັກຂອງລາວ ໃນນັ້ນ, ການນໍາເຂົ້າຜະລິດຕະພັນກະສິກໍາຈາກລາວເພີ່ມຂຶ້ນຢ່າງໄວວາ. ໃນ06ເດືອນຕົ້ນປີ ຈີນໄດ້ນໍາເຂົ້າເຂົ້າສາລີ 19.000 ໂຕນ ເພີ່ມຂຶ້ນ 4 ເທົ່າ ແລະ ຢາງພາລາ 22.000 ໂຕນ ເພີ່ມຂື້ນ 1 ເທົ່າ. ຈີນໄດ້ຈັດຢູ່ອັນດັບ 01 ຂອງການລົງທຶນຕ່າງປະເທດຢູ່ ສປປ ລາວ, ໃນ06 ເດືອນຕົ້ນປີນີ້, ວິສາຫະກິດຈີນໄດ້ມາລົງທຶນເພີ່ມຕື່ມໃນມູນຄ່າປະມານ 640 ລ້ານໂດລາສະຫະລັດ, ເພີ່ມຂຶ້ນ 84,6%. ພາຍໃຕ້ໂຄງການຊ່ວຍເຫລືອ, ຈີນໄດ້ຈັດຝຶກອົບຮົມໃຫ້ພະນັກງານຝ່າຍລາວ 614 ເທື່ອຄົນ, ຈັດເປັນອັນດັບຕົ້ນໆຂອງບັນດາປະເທດທີ່ໄດ້ຮັບການຊ່ວຍເຫລືອ. ທັງສອງຝ່າຍຍັງຮັກສາການຮ່ວມມືທີ່ດີໃນຂອບຮ່ວມມື ແມ່ນໍ້າຂອງ-ລ້ານຊ້າງ, ເຂດການຄ້າເສລີຈີນ - ອາຊຽນ, ຂອບຫຼາຍຝ່າຍ ແລະ ຂົງເຂດອື່ນໆ. ຂອບຮ່ວມມືດັ່ງກ່າວໄດ້ມີບົດບາດໃນການປະກອບສ່ວນເຂົ້າໃນພັດທະນາເສດຖະກິດສັງຄົມ ແລະ ການສ້າງວຽກເຮັດງານທຳ.

     ພາຍຫລັງສຳເລັດກອງປະຊຸມໃຫ່ຍຂອງພັກຄອມມູນິດຈີນຄັ້ງທີ 19 ໃນມໍ່ໆນີ້ ໄດ້ແຈ້ງເຈດຈຳນົງຢ່າງຊັດເຈນວ່າ: "ການເປີດກວ້າງຂອງ ສປ ຈີນ ຈະບໍ່ວັນປິດ, ແຕ່ການເປີດຈະຍິ່ງເປີດຍິ່ງກວ້າງ. ໂດຍການຖືເອົາການສ້າງ “ໜື່ງແລວທາງ ໜື່ງເສັ້ນທາງ” ເປັນເປົ້າໝາຍສຳຄັນ,  ຍືດຖືການສົ່ງເສີມການອອກສູ່ພາຍນອກ ແລະ ດືງດູດການລົງທຶນຈາກຕ່າງປະເທດເຂົ້າມາຈີນໄປພ້ອມໆກັນ, ປະຕິບັດຕາມຫລັກການຂອງການຮ່ວມກັນປືກສາຫາລື ແລະ ຮ່ວມກັນສ້າງ ແລະ ມີຜົນປະໂຫຍດຮ່ວມກັນ, ຊຸກຍູ້ການເປີດກວ້າງຂອງການຮ່ວມມືຄວາມອາດສາມາດດ້ານນະວັດຕະກຳ”. ຕະຫລອດ 04ປີຜ່ານມາ ພາຍໃຕ້ແນວຄິດລິເລີ່ມຂອງ “ໜື່ງແລວທາງ ໜື່ງເສັ້ນທາງ”, ບັນດາປະເທດໄດ້ສະແດງຄວາມຮ່ວມມືນັບມື້ນັບເພີ່ມຂຶ້ນ, ຂົງເຂດການຮ່ວມມືນັບມື້ນັບແຜ່ກ້ວາງ, ການຮ່ວມມືໃນແຕ່ລະຂັ້ນນັບມື້ນັບເພີ່ມຂື້ນ ຂໍ້ລິເລີ່ມດັ່ງກ່າວໄດ້ເອື້ອອຳນວຍໃຫ້ແກ່ປະຊາຊົນຂອງບັນດາປະເທດທີ່ເຂົ້າຮ່ວມ. ນັບແຕ່ປີ 2014-2016, ການຄ້າລະຫວ່າງຈີນກັບບັນດາປະເທດຕາມເສັ້ນທາງໜື່ງແລວ ທາງໜື່ງເສັ້ນທາງ ມີມູນຄ່າຫລາຍກວ່າ 3,000 ຕື້ໂດລາສະຫະລັດ ແລະ ຈີນໄປລົງທຶນໃນບັນດາປະເທດຕາມເສັ້ນທາງໜື່ງແລວ ທາງໜື່ງເສັ້ນທາງ ລວມມີມູນຄ່າຫຼາຍກວ່າ 50 ຕື້ໂດລາສະຫະລັດ. ວິສາຫະກິດຈີນ ໄດ້ໄປລົງທຶນສ້າງເຂດການຮ່ວມມືເສດຖະກິດ ແລະ ການຄ້າຕ່າງປະເທດ ໃນ 20 ກວ່າປະເທດ ຈຳນວນ56 ແຫ່ງ ແລະ ສ້າງລາຍຮັບຈາກການເກັບອາກອນເກືອບ 1.1 ຕື້ໂດລາສະຫະລັດ ແລະ ສ້າງວຽກເຮັດງານທຳຈຳນວນ 180,000 ວຽກງານ.

     ການພັດທະນາຢ່າງວ່ອງໄວຂອງຈີນກໍ່ແມ່ນກາລະໂອກາດຂອງໂລກ, ຈີນຈະສືບຕໍ່ຂະຫຍາຍການເປີດກວ້າງທາງດ້ານຕະຫຼາດ. ໃນອີກ 5 ປີຕໍ່ຫນ້າ, ການລົງທຶນໂດຍກົງຂອງຈີນຈະມີມູນຄ່າເກີນ 750 ຕື້ໂດລາສະຫະລັດ, ໃນນັ້ນໄປລົງທຶນໃນບັນດາປະເທດຕາມໜື່ງແລວທາງ ໜຶ່ງເສັ້ນທາງ ມີມູນຄ່າ 150 ຕື້ໂດລາ. ຈີນຈະນຳເຂົ້າສິນຄ້າຈາກບັນດາປະເທດໃນທົ່ວໂລກມີມູນຄ່າຫຼາຍກວ່າ 8,000 ຕື້ໂດລາສະຫະລັດ. ໃນນັ້ນ, ຈີນຈະນຳເຂົ້າຕາມແລວທາງ 2,000 ຕື້ໂດລາສະຫະລັດ; ນັກທ່ອງທ່ຽວຈີນຈະເດີນທາງອອກນອກປະເທດຫລາຍກວ່າ 500 ລ້ານ ເທື່ອຄົນ, ປັດໃຈດັ່ງກ່າວຈະໄດ້ນຳເອົາກາລະໂອກາດທາງດ້ານການຄ້າອັນໃຫ່ຍຫລວງໃຫ້ແກ່ການບັນດາປະເທດໃນທົ່ວໂລກໃນນັ້ນລວມທັງລາວ. ຈີນມີຄວາມຍິນດີທີ່ຈະຮ່ວມເດີນເສັ້ນທາງດຽວກັນກັບບັນດາປະເທດໃນໂລກໃນນັ້ນລວມທັງລາວ, ຮ່ວມກັນພັດທະນາຮ່ວມມືໃນຂົງເຂດກໍ່ສ້າງໂຄງລ່າງພື້ນຖານ ແລະ ພັດທະນາຖາວອນ.

     ຝ່າຍລາວໄດ້ປະກອບຄຳເຫັນວ່າ, ລາວມີຄວາມຫມັ້ນຄົງທາງດ້ານການເມືອງ, ເສດຖະກິດມີການພັດທະນາ, ມີທີ່ຕັ້ງດ້ານຍຸດທະສາດທີ່ສຳຄັນ ແລະ ມີຊັບພະຍາກອນທໍາມະຊາດທີ່ອຸດົມສົມບູນ. ການພົວພັນລະຫວ່າງລາວ ແລະ ຈີນໄດ້ມີການພັດທະນາການຮ່ວມມືທີ່ດີ, ລັດຖະບານສອງຝ່າຍໄດ້ຮ່ວມລົງນາມໃນຂອບຮ່ວມມື "ໜື່ງແລວທາງໜື່ງເສັ້ນທາງ", ໄດ້ສ້າງຕັ້ງເປັນຄູ່ຮ່ວມຍຸດທະສາດ. ກະຊວງການຄ້າຈີນໄດ້ຈັດຕັ້ງຄະນະສົ່ງເສີມການຄ້າມາຢ້ຽມຢາມລາວ, ເພື່ອຊ່ວຍພັດທະນາສິນຄ້າລາວເຂົ້າສູ່ຕະຫຼາດຈີນ ເປັນການຈັດຕັ້ງປະຕິບັດທີ່ເປັນຮູບປະທຳ. ປະເທດອື່ນໆທີ່ມາລາວແມ່ນເພື່ອໂຄສະນາຈຳໜ່າຍສິນຄ້າ, ແຕ່ຈີນມາຢາມລາວແມ່ນເພື່ອເກັບຊື້ຜະລິດຕະພັນທີ່ດີຂອງລາວ. ຜະລິດຕະພັນລາວມີຄວາມຈຳກັດທາງດ້ານການແຂ່ງຂັນ, ຍັງມີຫລາຍປັດໃຈທີ່ມີຄວາມຫຍຸ້ງຍາກ, ພາຍໃຕ້ການສະໜັບສະໜູນຂອງສອງລັດຖະບານລາວ ແລະ ຈີນ, ຜະລິດຕະພັນສົ່ງອອກຂອງລາວຈະໄດ້ຮັບການຊຸກຍູ້ໃນການພັດທະນາ ແລະ ໄດ້ຮັບຄວາມນິຍົມ.

     ກອງປະຊຸມໃນຄັ້ງນີ້, ວິສາຫະກິດສອງຝ່າຍໄດ້ມີຮ່ວມລົງນາມໃນສັນຍາການຄ້າຈຳນວນ 14 ສະບັບ, ມີມູນຄ່າປະມານ 260 ລ້ານໂດລາສະຫະລັດ. ກວມເອົາຂະແໜງທາດເຫລັກຊີໂມນ, ທອງແດງ, ແຜ່ນຢາງພາລາ, ມັນຕົ້ນແຫ້ງ, ແປ້ງມັນຕົ້ນ, ໝາກກ້ວຍ, ຖ່ານໄມ້, ໄມ້, ທາດແປ້ງມັນຕົ້ນ ແລະ ຜະລິດຕະພັນອື່ນໆທີ່ພົ້ນເດັ່ນ.

     ກອງປະຊຸມໃນຄັ້ງນີ້ຮ່ວມກັນຈັດຂື້ນໂດຍ ກົມສົ່ງເສີມການຄ້າຕ່າງປະເທດ, ກະຊວງການຄ້າຈີນ ແລະ ສະພາການຄ້າ ແລະ ອຸດສາຫະກຳແຫ່ງຊາດລາວ.

1
2
3
4
5
DSC_0767
DSC_0771
DSC_0774
DSC_0775
DSC_0806
DSC_0813
DSC_0817
DSC_0821
DSC_0823
DSC_0825
DSC_0834
DSC_0835
DSC_0839
DSC_0842
DSC_0844